Dekan (fan doktori yoki professor ilmiy unvoniga ega bo`lgan)
Filologiya fakulteti
qahramon196709@gmail.com
914057297
Yoshlar bilan ishlash buyicha dekan o`rinbosari (ilmiy darajaga yoki ilmiy unvonga ega)
Filologiya fakulteti
tuxtamurod92@gmail.com
913100668
Dekan o`rinbosari (fan nomzodi yoki dotsent ilmiy unvonga ega)
Filologiya fakulteti
sadulloyevna1991@mail.ru
997360960
Dekan o`rinbosari (ilmiy darajaga yoki ilmiy unvonga ega bo`lmagan)
Filologiya fakulteti
buronovb@mail.com
936563003
Dekan o`rinbosari (fan nomzodi yoki dotsent ilmiy unvonga ega)
Filologiya fakulteti
914428833
Filologiya fakulteti tarixi
Filologiya fakulteti 1930 yilda, Chet tillar fakulteti 1962 yilda tashkil topgan. 1949–1970 yillarda Tarix-filologiya, 1970–1972 yillarda O‘zbek filologiyasi va chet tillar, 1972–1978 yillarda O‘zbek filologiyasi va tarix, 1973–1993 yillarda O‘zbek filologiyasi va chet tillar, 1989–1999 yillarda O‘zbek, tojik filologiyasi va chet tillar fakulteti nomi bilan faoliyatini davom ettirdi. 1995–1996 yillarda Filologik o‘quv markaziga qo‘shildi. 1996 yilning 2 mayidan 1998–1999 o‘quv yiliga qadar O‘zbek, tojik filologiyasi fakulteti nomi bilan qayta shakllandi. 2009 yildan boshlab Filologiya fakulteti nomi bilan yuritilmoqda. Fakultetda keyingi 30 yil davomida M.Abdurahmonov, T.Qorayev, E.Qilichev, S.Saidov, M.Bozorov, Z.Toshev, B.Ahmedov, R.Vohidov, S.Azimov, Q.To‘xsanov, R.Bobokalonov, A.Haydarovlar dekan vazifasida faoliyat olib bordilar. Hozirda fakultetni filologiya fanlari doktori, D.Z.Rajabov boshqarmoqda.
Fakultet ilmiy-ma’naviy salohiyatini yuksaltirishda M.Mirzayev, S.Aliyev, A.Abdullayev, V.Egamberdiyev, O.Safarov, H.Ne’matov, A.G‘ulomov, O.Rasulova, H.Zikriyayeva, M.Qosimova, Z.Husainova, N.Shukrullayev, L.Mavrina, M.Alimova, M.Qosimov Z.Hasanova, Yu.Xon kabi ustoz professor-o‘qituvchilar hamda ular shogirdlarining munosib hissasi bor.
Ayni paytda fakultetda Filologiya va tillarni o‘qitish (o‘zbek tili), Filologiya va tillarni o‘qitish (rus tili), ona tili va adabiyoti (o‘zga tilli guruhlarda), Filologiya va tillarni o‘qitish (tojik tili), Jurnalistika: bosma OAVlari jurnalistikasi, Axbarot xizmati va jamoatchilik bilan aloqalar, Adabiy manbashunoslik va matnshunoslik ixtisosliklari bo‘yicha bakalavrlar hamda Lingvistika (o‘zbek tili), Adabiyotshunoslik (o‘zbek adabiyoti), Lingvistika (rus tili), Adabiyotshunoslik (rus adabiyoti), Adabiy manbashunoslik va matnshunoslik, mutaxassisliklari bo‘yicha magistrlar tayyorlanadi.
Fakultetda 4 ta kafedra, ya’ni o‘zbek tili va adabiyoti (kafedra mudiri – filologiya fanlari doktori, H.Eshonqulov), o‘zbek tilshunosligi (kafedra mudiri – filologiya fanlari nomzodi, dotsentA.Axmedov), rus tilshunosligi (kafedra mudiri – O.Nosirov) Rus adabiyotshunosligi ( L.Nigmatova) kafedralari faoliyat ko‘rsatmoqda. Mazkur kafedralarda 86 nafar professor-o‘qituvchilar, shu jumladan, 20 nafar fan doktorlari, professorlar, 16 nafar fan nomzodi, dotsentlar va 40 nafar yuqori malakali o‘qituvchilar talabalarga bilim bermoqdalar.
Keyingi besh yilda O‘zbek tili va adabiyoti kafedrasidan D.O‘rayeva (2018), Sh.Axmedova (2018), D.Quvvatova (2021), O‘zbek tilshunosligi kafedrasidan M.Q.Abuzalova (2020), Yo.S. Saidov (2021) yillarda professor ilmiy unvonini oldilar.
2012-2016 yillarda F-1-06 “Istiqlol davri o‘zbek adabiyotida G‘arb va Sharq adabiy an’analari sintezi” nomli fundamental davlat granti loyiha doirasida amaliy ishlar qilindi (Loyiha raxbari D.O‘rayeva). 2020 yilda O‘zbekiston Respublikasi Innovatsion rivojlanish vazirligi tomonidan e’lon qilingan “Olima ayollar granti”da "Tibbiyotga oid atamalar elektron platformasini yaratish" mavzusidagi amaliy loyihasi yaratilib, 2021-2023 yillarga mo‘ljallangan A-OT-2021-2 raqamli mazkur loyiha ustida tadqiqot olib borilmoqda (Loyixa rahbari M.Abuzalova).
Fakultetda 2020 yildan boshlab, 10.00.01-O‘zbek tili , 10.00.02-O‘zbek adabiyoti ixtisosliklari bo‘yicha DSc.03.04.06.2021.Fil.72.09 raqamli Ilmiy kengashning tashkil topganligi quvonarli bo‘ldi desak yanglishmaymiz. Ayni paytda qator tadqiqotchilar ilmiy ishlarini himoya qildilar .
